أنا فى عذاب نفسى سعدونى أعمل ايه

 سؤال من     ن ام

ارجــــوكم ابي نصيحــــه اخويه انا عايشـــــه بعــــذاب نفســــي


انا بنت تقريبا عمري 23 سنــه طحـــت بالمكالمات من عمري تقريبا 13 او 14 سنه


المهم كانت مكالمات وبس على الثابت ذاك الايام ماعندي جوال والوالد طبعا مايدري عن هوا داري لان عايش بعيد عن


منطقتنا بس كنت بريئه على نياتي كلمت واحد وخفت اهلي يدرون وقلت خلاص ماراح ارد قام هددني انه مسجل صوتي


وانا كنت خوافه خلقه لان اهلي من وانا صغيره مخوفيني ومفهميني ان الي تكلم يضحك عليه الولد وياخذ للبر ويقتله


ماكنت اعرف جنس ولا خرابيط حتى كلمة عمري وحياتي وقلبي .... الخ


ياحليلي ماكنت اعرفه ولاعمري سمعته من احد المهم الولد كانت تخيلوا بثاني ثانوي وانا بثاني متوسط


قال اذا ماكلمتيني بفضحك عند اهلك عاد انا خفت وقمت اكله بس طبعا كل مااكلمه اقول تكفى اتركني ومن هالكلام


المهم مره قالي تبين تفتكين مني قلت ايه


قال كلمي هالبنت وكلمته احس نفسي دجاجه كلنا يمشيني على كيفه المهم يوم كلمت البنت قالت اخلصك منه بس


على هالرقم وطبعا دقيت على الرقم الي طلبته البنت مااحد رد المهم الولد الي كان يكلمني افتكيت منه صدق


اللحين صار من يزعجني صاحب الرقم الي دقيت عليه رديت عليه مره المهم الولد لحس عقلي بالكلام لانه كان كبير


تقريبا 29 سنه عمري وانا بزر تخيلواا


صرت اكلمه وحبيته وتعلقت فيه بس ماعمره لاشافني ولاقابلني على انه يلح بس ماعطيته وجه دايم نتهاوش


ونتصالح بعدين افترقنا سنه تقريبا اكتشفت بالسنه انه تزوج واستقر الولد انا خلاص طحت بالمكالمات صرت اكلم


اي احد استهبل وخلاص ام علاقه مااسوي مااحب لاني احب الولد ذاك مره كلمني ورجعنا لبعض بس صار مايتصل


الا نادر انا مره جبت رقم بيته وكلمت زوجته وطقيته صحبه مع زوجته طبعا هو مايدري وصارت صاحبتي وصجتني


ازورها فكرت ازوره بس عشان اشوف حبيبي بعدين تراجعت وقطعت علافتي فيه وبعدت عنها


بس خلاص انا ادمنت مكالمات لم وصلت ثالث ثانوي انا كنت شاطره ومتوفقه بدراستي كله السنه هذي كانت


حساسه بالنسبه لي بس للاسف عرفت واحد انجنيت فيه كنت اصدق اي شي يقوله وعدني بالزواج مدري ايش


وكان يقول حتى لو ماجبتي معدل مايهم المهم انا اهملت دراستي تخيلوا سحبت على الدنيا طلعت جوال عشانه بس


هو وصرت بس اسهر اكلمه واسحب على الدراسه وحابسه نفسي بغرفتي لا اطلع ولا اروح ولا اجي اي طلعه


بشوره بختصر عليكم انا حاولت انتحر مرتين عشانه


وبالاخير اكتشفت اني انا الي خسرت لا جبت معدل لا استفدت شي من مكالاماتي له وجلست بالبيت وكثر الطفش


بس قطعت علاقتي فيه بس طبعا رجع لي الفراغ وصرت استهبل على الناس وتعرف على واحد ابن واحد معروف


ومركز وولد شيخ يعني البنات مييييييييييييييتين عليه للاسف كان هو


يحبني بجنوووووووووووون بس انا صار عندي عقده الرجال كذابين مااصدق احد وصرت مااوفي لاحد ولاوفيت له


ولاشي بس كنت احبه حب تملك بس يعني ابيه لي


ورجعت علاقتي بالي خسرت دراستي عشانه وكنت اكلمهم سوا بس طبعا مااقول لاحد وبعد سنه خسرت الشخص


فعلن حبني وكان صادق معي وبكل شي ومستعد يرتبط فيني بالرغم الفرق الي بيني وبينه بكل شي


وعلاقتي مستمره بشخص الي خرب دراستي دايما اقوله انت دمرتني بدراستي وقهرني وتزوج ولا هميته بس طبعا


يرجع يتصل فيني ويسال عن احوالي وانا صصرت اقول كل شي اني اخونه وكل شي عن ماضي الاغبرا


المهم الولد طلق زوجته ماكمل ست شهور معاه انا اقول احسن هذي حوبتي


بس والله بيني وبين نفسي اخاف من ربي اكون سبب بطلاقه هو يحلف اني موب السبب


مره قالي ابي اتزوجك مااحد يفهمني غيرك وانا من كثر ماانقرصت منه ماعاد اصدقه وهو فعلن صادق يبي


يتزوجني بس مااصدقه


المهم انا قلت خلني ادور لانفسي عريس عشان بس اقهرها المهم دخلت موقع زواج ولقيت واحد كان صادق وجاد


ماكلمت ولاشي عطيته رقم اهلي وفعلن جاء وخطبني وطلع الولد كويس بكل شي ومن محاس الصدف طلع من نفس


قبيلتي يعني نفسنا بكل شي غلطتي اني ماكلمته مااعرفته


المهم الولد تملك علي وسوا كل شي عشاني وزواجي بعد شهر انا قلت لخوي اني بتزوج لا صدق ارسلت له بطاقة


الزواج بغى ينجن بس ماايقدر يقول شي غير الله ويوفقك وسامحيني ومن هالكلام الولد خلاص بيسافر امريكا


لاهو راجع انا اعرف كل شي عنها بيترك السعوديه عشاني تزوجت يقول خلاص ماعاد ابي اجلس هو ماقاله لي


بس انا عرفت من نفسي


نجي للمشكله الي احس اني بفقد عقلي منه احس ورطت نفسي بهالزواج لم تملكت على الولد الي من قبيلتي اكتفشت


اني مااطيقه لا اسلوب ولاكلام حلو ولاشي ولا اطيق اسمع صوته بس اجامله انا لو مكلمته كان مافكرت ارتبط فيه


على انه يسوي اي شي يرضيني الولد طاير فيني عشان شكلي مدري وش قصته وانا خلاص والله اني ماابي اظلمه


قلت طلقني رفض وانا اندبلت كبدي منه وربي اتغصب اكلمه انا متاكده لو اطلقت الولد الي طلق زوجته بيتزوجني


ابصم بالعشره بس انا كرهت زوجي الان مااطيقه ولااطيق كلامه مايعرف يتكلم ولايتغزل ولاشي


لا وبعد قوي عين يبغاني احبه وانا بس اتغصب عليه وخاااااااااااااااااااااااااااااااايف اني اطلق منه مررررره خايف


وانا بصراحه فكرت اتزوج بس شهر شهرين بعدها اخليه يطلقني انا مايهمني اتزوج لاني اكره الرجال ولاعاد احبهم


ودي اعيش عند امي وبس


تكفووون انصحوني انا تعبت زواجي بعد شهر لو تشوفوني بروووووووود بالله اجهز ويالله اشتري على كيفي كل


شي انا تعبت احس اني تدمرت كله من ماضي الاسود










                                            الرد على السؤال


أحمدي ربك أنها جت على كذا !!
وزمن اللعب والأستهتااار اللي كنتي فيه ولى ورااااح ..
حبيته وحبني ، وتركته ورجعلي !! هذا كله كلام مرااااهقه
المفروض أنك تفكرين بعقلك وتلتفتين لنفسك ، ولحياتك الزوجيه
القاااادمه ..ولا تستبقين الأحداااث يمكن يكون زوجك هذا اللي موعاااجبك
طيب وحنوووون .كثير زوجااات ماكانوا مرتاحين لأزواجهم قبل الزواااج
والآن معهم بأسعد حاااال نزل الله بينهم المودة والسكينه والرحمه ..
خلاص أنسي الماااضي بكل مافيه من طيش ونزوااات ، وعيشي حياااتك ..
الله يكتب لك اللي فيه الخير ويسعدك..